Të paktën 155 persona janë lënduar pasi dy trena u përplasën në rajonin e Katalonjës në veri-lindje të Spanjës, thanë shërbimet e urgjencës.
Përplasja, e cila ndodhi rreth orës 07:50 (06:50 GMT), ndodhi në një stacion në periferi të Barcelonës, shkruan BBC, transmeton Fol Drejt.
Mediat lokale raportuan se trenat po udhëtonin në të njëjtin drejtim dhe u përplasën ndërsa njëri ishte i parkuar në stacion.
Është e paqartë se si ka ndodhur aksidenti dhe zyrtarët ende nuk kanë komentuar.
Zyrtarët e urgjencës shkruajtën në Twitter se përplasja ndodhi në stacionin Montcada i Reixac – Manresa, rreth 12 km (7 milje) nga qendra e qytetit.
Duke shkruar në Twitter, shërbimet e urgjencës thanë se 150 persona ishin “në një gjendje të lehtë” dhe pesë të tjerë kishin mbetur “në një gjendje më pak të rëndë”.
Ata shtuan se tre persona janë transferuar në spital.
Trafiku i trenave u ndërpre për pak kohë në disa linja për shkak të aksidentit, tha shërbimi hekurudhor kombëtar Renfe./FolDrejt/
