Gjithsej 4.8 milionë ukrainas, duke përfshirë më shumë se 700,000 fëmijë, janë transferuar në Rusi që nga fillimi i luftës, ka thënë një zyrtare e Kremlinit, shkruan Sky News, transmeton Fol Drejt.
Komisionerja për të drejtat e fëmijëve Maria Lvova-Belova tha se shumica dërrmuese e fëmijëve nuk kishin mbikëqyrje prindërore ose kujdestare dhe e cilësoi largimin e tyre si një gjest “vullneti të mirë”, sipas Institutit për Studimin e Luftës, një institut me bazë në SHBA.
Gjykata Ndërkombëtare Penale ka lëshuar një urdhër arresti për zonjën Lvova-Belova duke e akuzuar atë për dëbim të paligjshëm të fëmijëve.
Ajo e bëri deklaratën në një raport mbi aktivitetet “të autorizuara nga presidenti i Federatës Ruse për të drejtat e fëmijëve” vitin e kaluar.
