Media e huaj “Der Standard” e paraqet Marrëveshjen e Prespës si “mrekullia e Ballkanit” dhe si “suksesi i vetëm politik” i viteve të fundit të arritura nga vendet kandidate në BE.
Sipas po kësaj media, kjo tregon edhe njëherë se me presionin e koordinuar mes BE-së dhe SHBA-së mbi Ballkanin, mund të arrihet diçka, përcjell foldrejt.com. Një gjë e ngjashme u vërtetua edhe në 2015, kur juristi perëndimor Reinhard Priebe, arriti të çlirojë kapjen e shtetit maqedonas nga kthetrat autokratike të OBRM-PDUKM. Vetëm pas kësaj mund të vinin në pushtet politikanë të cilët shihnin interesat e qytetarëve dhe jo kuletat e tyre në xhep.
“Me autokratë të korruptuar si ish kryeministri Nikola Gruevski, i cili ka fituar strehim në Hungari, ishte e pamundur zgjidhja e kontestit të emrit. Një komision i tillë Priebe është i nevojshëm edhe në shtetet tjera të Ballkanit,” përcjell foldrejt.com, shkrimin e medias austriake. Kjo aludon për Shqipërinë, Kosovën, Serbinë, Bosnjën dhe Hercegovinën dhe Malin e Zi.
Vendimtar për suksesin në Maqedoni ishte edhe vënia në përparësi e interesave europiane kundrejt Partive Popullore Europiane, të cilët e kundërshtonin marrëveshjen mes Shkupit dhe Athinës. Kjo tregon se BE i dha rëndësi më të madhe gjeopolitikës./Foldrejt.com
