Kancelarja gjermane Angela Merkel bëri me dije se çelja e negociatave duhet të fillojë sa më shpejt me Maqedoninë Veriore dhe Shqipërinë, kurse kjo nuk vlen edhe për liderin francez Emannuel Macron. Ky i fundit akoma kërkon që njëherë të ndodh reformimi i BE dhe më pas zgjerimi mbi Ballkanin Perëndimor, shkruan foldrejt.com.
Tashmë duket që BE është mësuar të mos e mbajë fjalën. Ajo nuk ka publikuar dokumentin e zgjerimit, që ishte paraparë për të martën, duke e shtyrë publikimin dhe duke mos treguar ndonjë arsye. Prapa skenave bëhet fjalë për një kontestim të madh mes Francës dhe Gjermanisë, për atë që u tha më sipër, shkruan DER STANDARD. Bile Franca kërkon që procesi i zgjerimit të jetë i kthyeshëm, në rast se ka stagnim. Veçanërisht në kthimin e vizave në zonën Shengen.
Dhe këtu nuk bëhet fjalë për një zgjerim konkret. Fjala vjen, Mali i Zi ka hapur negociatat prej 2012 dhe ka hapur gjithë kapitujt, megjithatë vetëm tre i ka përfunduar. Ngjashëm vlen edhe për Serbinë, e cila prej pesë vitesh ka përmbyllur vetëm dy kapituj.
Në gjithë këtë mesele ka një sihariq të vogël. Shtetet e BE janë njëzëri se në rajonin e Ballkanit Perëndimor duhet të jepen më shumë para për të parandaluar ndikimet alternative (Kina, Rusia dhe Turqia). Si hapa konkret përmendet hapja e tregut të brendshëm dhe formimi i një zone të përbashkët Roaming-u me BE./Foldrejt.com
