Media austriake “Der Standard” ka shkruar rreth zhvillimeve të fundit në trojet shqiptare ku më e “nxehta” pritet të jetë faza e fundit e dialogut mes Serbisë dhe Kosovës që parasheh edhe ndarjen e Kosovës ose më saktë shkëmbimin e veriut të saj me Luginën e Preshevës, informon foldrejt.com.
Sipas medias austriake ideja e ndarjes së Kosovës dhe krijimit të territoreve homogjene mbështetet nga presidentët Hashim Thaçi, Aleksandër Vucic dhe kryeministri Edi Rama.
“Për këtë arsye Edi Rama ndryshoi ministrin e jashtëm Ditmir Bushati i cili ishte kundër ndarjes së Kosovës dhe e zëvendësoi atë me kosovarin 26 vjeçar Gent Cakaj,” përcjell foldrejt.com, analizën e “Der Standard”.
Për ekspertin e Europës juglindore, Florian Bieber, largimi nga detyra e Bushatit është e “habitshme” dhe e “çuditshme”. Rama po ndjek një politikë me “gjeste nacionaliste” të kufijve thuajse inekzistentë me Kosovën.
Në rast se dështon plani i BE, Rama jep sinjal për një plan B, atë të bashkimit të shqiptarëve “veçanërisht mes Kosovës dhe Shqipërisë”. Andaj Rama përforcon rolin udhëheqës kundrejt shqiptarëve në Maqedoni dhe Kosovë.
Disa diplomatë e shohin si çështje të përfunduar ndryshimin e kufijve, vijon më tej media austriake “Der Standard”, përkundër që shumica e partive dhe shoqërisë civile janë kundër.
Kjo lidhet edhe me letrën e presidentit amerikan Donald Trump drejtuar Thaçit që të merr vendimet të vështira përkundër zërit të masës.
Siç keni pasur mundësi të lexoni në të kaluarën në foldrejt.com, edhe strategu i fushatës presidenciale të Trump, Corey Levandovski, është mes lobuesve për ndarjen e Kosovës./Fodrejt.com
