Serbët e jugut të Kosovës ndjehen të lënë në baltë, shkruan fillimisht media austriake Der Standard, përcjell ekskluzivisht në shqip foldrejt.com.
Autorja e shkrimit, Adelheid Wolfl, ka qenë vetë prezente në Kosovë, ku pasi përshkruan atmosferën e ditëve të fundit, shkruan fjalinë e një serbi, qëi i është shprehur asaj.
“Ne nuk kemi punë këtu,” sqaron 24 vjeçari Goran S. i cili ka studiuar në Mitrovicë për drejtësi. 24 vjeçari ka lindur në Gorahdevac në Perëndim të Kosovës – një enklavë serbe me 900 banorë. Për këto banorë nuk ka thuajse asnjë perspektivë, përcjell foldrejt.com.
Mitrovica është e rëndësishme për serbët, pasi atje ndodhet shkolla e vetme e lartë serbe dhe një spital me doktorë serbë. Mitrovica është dera hyrëse për në Serbi.
Për këtë serbët e Kosovës jugore frikësohen nga një marrëveshje, që parasheh korrigjimin e kufijve, sepse përmes këtij kufiri ata do liheshin mënjanë.
“Atëherë do bëhet çdo gjë më keq,” tha më tej Goran S., i cili qëndron i ulur me dy kolegë të tij të studimeve.
Kisha do ktheheshin në muze
Politikania e pavarur serbe nga Graçanica, Rada Trajkovic, prognozon se në rast se ndodh marrëveshja e korrigjimit të kufijve, “serbët do largoheshin nga Kosova.”
Me shkëmbimin e territoreve “shqiptarët nuk do kishin vullnet për të zbatuar reformat, Kosova do mbesë pa krishterët ortodoksë, kurse kishat do ktheheshin në muze.”
Politikania serbe vijon të thotë se duhet të bindet Komuniteti Ndërkombëtar për të ndaluar menjëherë idenë e shkëmbimit të territoreve dhe se akoma pa përfunduar kjo çështje, shumë serbë të Graçanicës kanë filluar ti shesin shtëpitë.
Trajkovic vijon të sqarojë se sëbashku me shqiptarët duhet të demonstrojnë kundër korrigjimit të kufijve në baza etnike. Ajo shpreson se te shqiptarët e Kosovës është më e vështirë të pranohet kjo marrëveshje, pasi në Kosovë ka më shumë media të lira sesa në Serbi./Foldrejt.com
