Qeveria serbe lavdërohet me patetizëm për rritjen ekonomike që ka filluar me ardhjen në presidencë të Aleksandër Vuciq. Kur bëhet fjalë për rritjen ekonomike, Serbia është në Top 10 vendet e Europës. Kjo falë zhvillimit të bujqësisë dhe sektorit energjitik. Por në fakt realiteti është ndryshe, thekson media austriake “Der Standard”.
Prodhimi i Brendshëm Bruto i Serbisë është “37 përqind e mesatares së BE, kurse problemi kryesor i saj dhe i gjithë Ballkanit është zvogëlimi i popullsisë – çfarë do të thotë, që rritja varet gjithmonë e më shumë nga produktiviteti, përcjell foldrejt.com.
Kjo përkundër faktit që BE po investon mjaft në Serbi, ku 73 përqind e investimeve të huaja vijnë nga BE dhe kanë punësuar 200 mijë serbë. Gjithashtu, 66 përqind e eksporteve të Serbisë shkojnë në BE, ndërsa importojnë 62 përqind nga atje. Partnerët kryesorë ekonomikë janë Gjermania dhe Italia.
“Megjithatë koncepti i pro-europianizmit është shumë pak i përhapur. Vetëm 47 përqind e serbëve mbështesin integrimin e vendit në BE. Në Kosovë dhe Shqipëri kjo është mbi 80 përqind. 32 përqind e serbëve nuk duan kurrë të anëtarësohen në BE,” vijon më tej analiza e Der Standard, duke u bazuar në anketat e fundit.
Kjo nuk është diçka e re, pasi Beogradi prej në kohën e Jugosllavisë ka ditur të luajë rolin e thithjes së investimeve të huaja ose politikës së lëkundjes mes Perëndimit dhe Lindjes./Foldrejt.com
