Opozita shqiptare djeg materialet zgjedhore dhe kërkon të shmang zgjedhjet lokale në 30 qershor. Komuniteti Ndërkombëtar bën thirrje për shmangien e dhunës, shkruan fillimisht media e majtë austriake Der Standard.
Sipas medias austriake partitë politike shqiptare njohin ose miq të vërtetë ose armiq të përbetuar, që të kujton të kaluarën staliniste të Shqipërisë, përcjell foldrejt.com.
Pasi flitet për kështjellën veriore të Shqipërisë, ku në Kukës, Burrel dhe Klos, gjatë tentativës për të djegur materialet zgjedhore janë plagosur edhe policët, “Standard” shkruan se frika shtohet për protesta më të dhunshme gjatë ditëve vijuese dhe se vendi po shkon drejt një kaosi Kushtetues.
Frakcioni i Merkelit pro PD-së
Në kohën kur Komisioni Europian dhe SHBA mbështesin mbajtjen e zgjedhjeve, frakcioni i djathtë CDU/CSU është pas mbështetjes të PD. Prapaskena: PD prej vitesh kërkon një “skenar maqedonas”, pra të përfshijë BE dhe SHBA në luftën kundër socialistëve.
Pra sipas Standard, partia e kancelares Angela Merkel “CDU/CSU dhe gazeta gjermane BILD kanë luajtur një rol në Shqipëri, sepse ata e kanë parë thjesht pa kritika narrativën e PD”.
Në fund të majit deputetët e CDU/CSU, Johann David Wadephul dhe Christian Schmidt, e shohin si të nevojshme dialogun mes qeverisë dhe opozitës, si dhe shtyerjen e zgjedhjeve. “Në rast të kundër “Rruga drejt Europës” do mbetej e mbyllur,” përcjell foldrejt.com.
Kjo përkundër që KE raportoi pozitivisht për hapjen e negociatave me Shqipërinë.
Me shikim tjetër kjo nënkuptohet pasi PD është pjesë e familjes së partive të djathta PPE, ku bën pjesë edhe CDU/CSU.
Pa perspektivë për shkak të CDU/CSU
Më tutje media austriake tregon se BE nuk hapi negociatat me Shqipërinë dhe Maqedoninë Veriore për shkak të CDU/CSU (përveç Francës dhe Hollandës).
Hapja e negociatave me Shqipërinë dhe Maqedoninë Veriore, në fakt do i shërbente Partisë Socialiste për zgjedhjet e 30 qershorit. Kjo nuk i vinte përshtat CDU/CSU dhe shkatërroi perspektivën europiane të dy shteteve të Europës juglindore./Foldrejt.com
