Në qendër të krizës së koronës, forcat kundërshtare shfrytëzojnë avantazhin e tyre të ndihmave për të arritur qëllimet e jashtme politike, shkruan fillimisht britanikja The Guardian, duke ju referuar konkretisht Serbisë.
“Ishte e para Kina që erdhi në Beograd, ku krahas ndihmave mjekësore dërgoi edhe gjashtë ekspertë për të koordinuar politikat kombëtare të virusit korona. Emocionalisht, presidenti serb Aleksandër Vucic, puthi flamurin kinez,” përcjell foldrejt.com. Më pas erdhën rusët, të cilët krahas ndihmës kundër virusit u shitën edhe aeroplanë ushtarakë. Në fund erdhën europianët (BE), duke potencuar se ata kanë dërguar ndihma më shumë sesa Rusia dhe Kina bashkë.”
Prej kur Vucic kritikoi për egoizëm Bashkimin Europian, duhet të theksohet se BE gjatë dy dekadave të fundit ka ndihmuar shëndetësinë serbe me më shumë se 200 milion euro grande dhe hua prej 250 milion euro. Poashtu 93 milion euro janë alokuar për të ndihmuar luftën kundër virusit korona në Serbi.
Pavarësisht deklaratave të Vucic dhe tendencës së shumë serbëve për të menduar se Rusia dhe Kina kanë ndihmuar më shumë, është BE ajo që në fakt ka dhuruar 100 herë më shumë.
Më pas Vucic falenderoi edhe BE, por gjesti kinez do mbetet gjatë në memorien publike. Kryeministrja Ana Bërnabic, tha se pas krizës së koronës, ka ndërmend të ndërtojë një monument të miqësisë serbo-kineze, kurse prej tani në billboardet e Beogradit mund të shihet mbishkrimi: “Thank you, Brother Xi.”/Foldrejt.com
