Në Ballkan po blehet armë si asnjëherë më parë. Në të njëjtën kohë po rriten tensionet mes etnikumeve armiq. Mbi të gjitha përzihet Rusia, e cila shton konfliktin potencial në dyert e Europës, shkruan në fillim prestigjiozja gjermane “Die Welt”.
Në 26 korrik Rumania bëri të ditur se në bazë të sankcioneve kundër Rusisë, kishte ndaluar transportin e armëve drejt Serbisë. Bëhej fjalë për automjete moderne Typ BRDM-2, 30 automjete tjera Typ T-72 dhe 30 tanke. Më pas Rusia shfrytëzoi hapësirën ajrore hungareze për të çuar deri në fund “dhuratën ndaj popullit serb”. Siç dihet kryeministri hungarez Viktor Orban mban marrëdhënie të ngushta me Rusinë e Vladimir Putinit.
Serbia e cila ka kryer luftëra kundër Kroacisë, Bosnjës dhe Kosovës nën diktatorin Sllobodan Miloshevic, ky lloj armatimi shihet si veçanërisht kërcënues për banorët e Kosovës – “ku vetë qeveria serbe potencoi se mund të sulmonte Kosovën në rast se krijonte ushtrinë e saj”, përcjell foldrejt.com. Krijimi i ushtrisë kosovare u krijua dhjetorin e kaluar, normalisht jo vetëm pse Serbia armatoset.
“Në kohën kur fuqia e NATO përqëndrohet mbi të gjitha në Shqipëri, Kosovë dhe Kroaci; në anën tjetër Rusia përqëndrohet në Serbi dhe Republika Srpska. SHBA ka në Kosovë bazën më të madhe ushtarake – Camp Bondsteel. Rusia kërkohën që në Republika Srpska të ndërtojë një bazë ushtarake,” përcjell foldrejt.com.
Sa u takon vendeve të ish Jugosllavisë, Serbia është vendi që shpenzon më shumë për ushtrinë – 731 milion dollarë në 2017. Shqipëria shpenzon 168 milion dollarë, kurse Kosova me 5000 ushtarë mendon të shpenzojë 98 milion dollarë në vitin e ardhshëm.
Me këto shpenzime të dy shteteve shqiptare, “na jep të kuptohet se faktori shqiptar mbi Ballkanin peshon shumë.”
Një gjë është e sigurtë, sa më shumë armatosen shtetet në fjalë, aq më rrezik bëhet konflikti potencial në rajon./Foldrejt.com
