Media e njohur gjermane handelsblatt.de ka kryer një shkrim rreth shkëmbimit të mundshëm të territoreve mes Kosovës dhe Serbisë, duke theksuar prej në start se “vetë diskutimet mbi korrigjimin e kufijve ka sjell varfëri në një qytet.”
Bëhet fjalë për Preshevën, ku gazeta gjermane ka intervistuar edhe kryetarin Shqiprim Arifi, përcjell foldrejt.com.
Presheva ka një rrogë mesatare prej 300 euro në muaj, kurse papunësia arrin deri në 50 përqind.
“Debati për ndryshimin e kufijve ka ulur çmimet e apartamenteve nga 700 euro në 400 euro për metër katror. Gjithashtu, ky debat ka dëmtuar investimet në qytetin tonë,” thotë Arifi, i cili ka jetuar edhe në Gjermani. “Shkëmbimi i territoreve do të thotë hapja e Kutisë së Pandorës. Debatit duhet ti jepet fund, sepse neve na dëmton ekonomikisht dhe politikisht, por edhe pikëpamjet e BE,” tha më tej Arifi.
Pasi përmendet që kjo linjë e kuqe e ndryshimit të kufijve është kaluar nga shefja e politikës së jashtme të BE, Frederica Mogherini, më tutje në artikull thuhet se Arifi është një tip tjetër i politikanëve mbi Ballkanin, pragmatist, i afërt me qytetarët dhe pro-europian.
“Shpresa më e madhe e Arifit është europianizimi i Ballkanit dhe të tejkalohet përfundimisht rreziku i nacionalizmit etnik dhe popullizmit,” përcjell foldrejt.com.
Arifi shpreson një integrim të shpejtë në BE të Serbisë, Kosovës dhe Shqipërisë.
Si një sukses të veçantë, Arifi e përmend edhe dy këshilltarët komunalë serbë, të cilët e mbështesin atë. “Serbët janë tërësisht të integruar te ne,” thotë krenarisht Arifi.
Vetëm bashkëpunimi me njëri-tjetrin dhe me kufijtë e hapur, mund të sjell zgjidhje në shtëpinë më të varfër të kontinentit – Ballkan. Këtë e ka kuptuar mjaft mirë Arifi./Foldrejt.com
