Qeveria e parë që ra nga kriza e virusit Korona në Europë është ajo e Kosovës. Por përpara se të flitet për një politikë të ulët të vendit të vogël ballkanik duhet të dihet diçka tjetër.
“Me qeverinë e re në Kosovë, kishte një konflikt mes të majtëve dhe të djathtëve, luftëtarët kundër korrupcionit dhe klikës së vjetër, mes kryeministrit të ri Albin Kurti dhe presidentit të kapur Hashim Thaçi. Në fund ra qeveria Kurti dhe tani në mes të krizës së Koronës, Kosova është pa qeveri legjitime,” përcjell foldrejt.com, shkrimin e kulturores gjermane Die Zeit.
Më tutje, media gjermane që shquhet për seriozitetin e saj, tregon hapur se pas kësaj krize qëndron edhe konflikti mes BE dhe SHBA. E para mbështet kryeministrin, kurse e dyta Presidentin.
Pavarësisht se amerikanët e kundërshtojnë se është biseduar për ndarjen e Kosovës, presidenti Thaçi dhe Aleksandër Vucic duhet të kenë folur për një plan të tillë prej kohësh.
BE kundërshton ndryshimin e kufijve mbi Europën, pasi kjo do ishte një preçedent për Bosnjën dhe shtetet tjera të rajonit fragjil. Me këtë, BE tash kan detyrë të vështirë që të përballet me politikat amerikane.
Në rast se diçka shkon mbrapsht në këto kohë kur Kosova nuk ka udhëheqësi të qartë, atëherë kjo do shkonte keq për BE dhe mund të destabilizonte rajonin./Foldrejt.com
