Media më e klikuar gjermane “Bild” ka publikuar një artikull të gjatë ku kritikon sistemin mes ligjeve të azilit dhe funksionimit të shtetit ligjor, pasi shpesh nga kjo përfitojnë strehim agresorët bile edhe të rrezikshmit për sigurinë publike gjermane, kurse në anën tjetër, dëbohen persona të mirë integruar.
“Pse ne nuk dëbojmë personat që duhet?,” është titulli i artikullit, përcjell foldrejt.com.
Media gjermane nuk ndalet këtu dhe jep shembullin e personit të rrezikshëm dhe të arrestuar nga policia Abu Dhess, i cili qëndron më gjatë në Gjermani sesa azilkërkuesit tjerë të refuzuar, por shembullorë si familja pesëanëtarëshe shqiptare, Ajazaj.
“A është ky shteti ligjor gjerman? I cili mbron të gabuarit si Abu Dhes dhe shumë ekstremistë, ndërsa në anën tjetër dëbon persona të integruar. Shteti ligjor duhet të mbrohet nga arbitrariteti, por ama edhe kundër agresorëve,” shkruan më tej Bild.de.
Familja pesëanëtarëshe Ajazaj, u dëbua në fund të dhjetorit 2017 nga shtrati direkt në aeroplanin fluturues për në Tiranë. Të prekurit Xhezo Ajazaj (31), nëna Artjola (29), e cila kryente shkollën për ndihmësmjeke, dhe fëmijët e tyre Klara (8), e cila vizitonte shkollën fillore në Käthe-Kollwitz, Lejman (4) dhe foshnja Carolina (6 muaj) flisnin rrjedhshëm gjermanisht.
Punëdhënësi kishte kërkuar që kjo familje të qëndronte në Gjermani. Prej dëbimit nuk dihet për fatin e familjes, e cila sipas gjitha gjasave është akoma në Shqipëri./Foldrejt.com
