Në vendet e Europës lindore, duke përfshirë edhe Shqipërinë, ka një tendencë të shtuar të aborteve në momentin kur çifti nënkupton se bëhet fjalë për vajzë.
“Ata mund të vrasin vajza. Unë e quaj atë vrasje, sepse është një vrasje,” thotë mjekja Rubena Moisiu, e cila është ndër të rallat që ka shprehur dëshirën për të folur për median gjermane deutschlandfunk.de.
Raporti mes djemve dhe vajzave në Shqipëri shkon deri 111 djem për 100 vajza, duke qenë shumë më e lartë sesa raporti i lindjeve natyrale prej 105 djemve ndaj 100 vajzave.
Në Shqipëri aborti është i lejuar deri në javën e 12-të, megjithatë deri në këtë kohë është e vështirë të përcaktohet gjinia. Më pas aborti mund të ndodhë vetëm me kërkesë të mjekut, nëse aborti rrezikon jetën e nënës.
Kur prindërit e kuptojnë “sigurt” se bëhet fjalë për vajzë, pas javës së 12-të ata blejnë një udhëzim mjekësor për abort, ose, blejnë medikamente që sjellin probleme në shtatzani. Por disa edhe bëjnë kontrakcione në uterus, duke ardhur në spital dhe duke bërtitur: “Unë jam e sëmurë. Oh Zot”. Më pas mjekët e shkruajnë se erdhi deri te dështimi i shtatzanisë.
Deri tani nuk ka pasur ndonjë padi kundrejt ndonjë nëne ose mjeku që kanë ndihmuar në një shtatzani të dështuar me qëllim, përcjell foldrejt.com.
Para pak vitesh në Shqipëri ka pasur një iniciativë të deputeteve, që të shmangin një abort selektiv në dëm të gjinisë femërore, por më pas ajo iniciativë u harrua. Arsyen nuk i dijë askush.
Moisiu në fund tregon se vetë ajo ka dy vajza, kurse vajza më e vjetër poashtu dy vajza, kurse vajza më e re pret binjakë: një vajzë dhe një djal. Më së fundi ajo do ketë një nip.
Arabët e para islamit i vrisnin vajzat e vogla, sot….
Mugirah ibën Shubeh, (Allahu qoftë i kënaqur prej tij), përcjell se i dërguari i Allahut, Muhamedi, (paqja dhe bekimi i Allahut qofshin mbi të) ka thënë: “Allahu ju ka ndaluar juve; mosnderimin e nënave, vrasjen e vajzave, lakminë, urren prej jush thashethemet, pyetjet e tepërta dhe shpërdorimin e pasurisë.”
Ky krim (vrasja e vajzave) ka qenë i njohur në kohën e injorancës, ngase ata i varrosnin vajzat duke qenë të gjalla derisa të vdes ndër dhe, për të mos u turpëruar, kishin frikë se mos turpëroheshin e i urrenin vajzat aq shumë saqë ndërmorën veprime që t’i mbysin, Allahu thotë: “Dhe, kur ndonjëri prej tyre merr lajmin se i lindi një vajzë, fytyra i nxihet dhe i mbushet me mjerim. Ai fshihet nga njerëzit për shkak të lajmit të keq që mori dhe s’di: a ta mbajë këtë fëmijë, pavarësisht poshtërimit apo ta varrosë në dhé. Ah! Sa mbrapsht që gjykojnë ata!.”
Sureja Nahl, 58-59. Allahu thotë: “kur foshnja e varrosur për së gjalli të pyetet.” Sureja Tekvir, 8. Foshja e përmendur është vajza e cila varrosej e gjallë, “për çfarë faji ishte vrarë.” Sureja Tekvir, 9 Ishte një vepër e injorancës, sikur që i vrisnin edhe fëmijët meshkuj dhe ato femra nga frika e varfërisë, Allahu thotë: “Dhe mos iu qasni kurvërisë, se ajo është shfrenim dhe rrugë e shëmtuar!.”
Sureja Isra, 31. Allahu thotë: “mos vrisni fëmijët tuaj për shkak të varfërisë, sepse Ne ju ushqejmë ju dhe ata.” Sureja En Amë, 151. I mbysnin fëmijët e tyre nga frika e varfërisë ngase mendonin keq për Allahun e Lartmadhëruar, dhe nuk besonin se kur Allahu të krijojë një qenie e krijon për të edhe riskun, Allahu thotë: “S’ka asnjë gjallesë në Tokë që të mos i ketë caktuar riskun prej Tij.”
Sureja Hud, 6. Sepse ata nuk kishin iman (besim), dhe mosbesimi i shtyri ata që t’i vrisnin fëmijët e tyre, e që edhe ditët e sotit ajo që përmendet dhe për çfarë zhvillohen seminare në kërkim të përcaktimit të fëmijëve duke u frikuar nga fëmijët e shumtë, nga paksimi i resurseve dhe riskut, është se ata nuk besojnë në Allahun e Madhëruar, dhe nuk besojnë se risku është në dorë të Allahut, dhe se Allahu kur të krijojë një qenie ia cakton edhe riskun, dhe se shumimi i fëmijëve është hajr, sepse me shtimin e fëmijëve shtohet prodhimi, shtohet fuqia punëtore, shtohen prodhuesit, përkundër asaj të cilës i besojnë ata, në shumimin e fëmijëve është fuqia e Umetit, nëse shtohet Umeti bëhet i fuqishëm, e nëse pakohet numri i Umetit kjo bëhet dobësi në Umet.
Përfundim: Kjo është fe e injorancës, vrasja e fëmijëve si pasojë e frikës nga varfëria, e vrasjen e vajzave si pasojë e frikës nga nënçmimi, e prej tyre ka edhe një kategori e tretë që i therrnin fëmijët e tyre për t’u afruar më afër idhujve, Allahu thotë: “Shumë paganëve, idhujt e tyre ua kanë bërë t’u duket e bukur vrasja e fëmijëve të tyre, për t’i shkatërruar dhe për t’ua pështjelluar besimin.”
Sureja En Amë, 137. Dhe thotë: “Ata kanë caktuar për Allahun pjesë nga drithi dhe kafshët shtëpiake, të cilat i ka krijuar Ai dhe thonë sipas hamendjes së tyre: “Kjo është për Allahun, ndërsa kjo është për idhujt tanë”.” Sureja En Amë, 136. Për idhujt e tyre, ata afroheshin idhujve më lloje të ndryshme të riteve, e prej tyre edhe me therrje të fëmijëve, e therrje të kafshëve./Foldrejt.com
