Serbia dhe Kosova pritet të korrigjojnë kufijtë dhe kjo me planet e SHBA dhe BE. Megjithatë kjo ide është tepër e rrezikshme, shkruan fillimisht Frankfurter Rundschau.
Sipas të përditshmes gjermane krahas rritjeve të presioneve kundrejt Kosovës dhe Serbisë, për të nënshkruar një marrëveshje, kjo rrit edhe rrezikun mbi stabilitetin dhe paqen në Ballkanin Perëndimor.
Komisioneri i zgjerimit europian, Johannes Hahn, në Konferencën e Sigurisë në Mynih theksoi se ka “ardhur koha e duhur për të pasur një marrëveshje të drejtë”.
Presidenti Aleksandër Vucic shtoi se për t’u arritur marrëveshja, në tavolinë duhet të mbetet korrigjimi i kufijve.
“Ideja e ndarjes së Kosovës është e vjetër dhe është propozuar nga serbët e veriut të Kosovës. Nacionalistët çdoherë e kanë zhvilluar propozimin për Serbinë e madhe dhe të legjitimojnë ideologjinë raciste nacionaliste,” përcjell foldrejt.com.
Edhepse ideja e ndryshimit të kufijve nuk ishte mbështetur nga Brukseli, prej gushtit 2018 Johanes Hahn dhe Frederica Mogherini mbështesin tërheqjen e kufijve në baza etnike. Poashtu, SHBA me presidentin Donald Trump ka bërë kthesë 180 përqind.
Më tej media gjermane citon edhe marrëveshjen e publikuar në disa media shqiptare, ku sipas së cilës Mitrovica do ketë një status special, akumullimi i Gazivodës dhe Trepça do privatizohen për 99 vjet dhe do ndahet mes përfaqësuesve të Këshillit të Sigurimit (SHBA, Britania e Madhe, Rusia, Kina dhe Franca). Pjesë e idesë është që edhe në Vlorë të ndërtohet një bazë e flotës – me gjasë të NATO. Ngjashëm si në Kuçovë një bazë ajrore të NATO.
Autostrada përmes Serbisë – i quajtur korridori 10 – do jetë nën mbrojtje ndërkombëtare. Kjo marrëveshje pritet të nënshkruhet në 12 qershor 2019 në Uashington, kurse do futet në fuqi gjashtë muaj më vonë.
Kjo ka sjell një frikë për banorët serbë të jugut në Kosovë, ku sipas politikanes Rada Tajkovic, “është ideja më e keqe, që mund të mbështetet nga Brukseli”, përcjell foldrejt.com.
Sipas saj kishat ortodokse serbe në jug të Kosovës do ktheheshin në muze, pasi ortodoksët nuk do ekzistonin më. Bile prej tani në enklavën e Graçanicës shumë serbë kanë filluar ti shesin shtëpitë nga frika. Poashtu edhe shqiptarët e kundërshtojnë zëshëm ndarjen e Kosovës.
Gjithsesi Vucic kërkon të gjejë marrëveshjen rreth Kosovës, për të bashkëpunuar Komuniteti Ndërkombëtar më te dhe që të qëndrojë në pushtet. Ai ka krijuar edhe Lista Srpska, një strukturë mafioze.
Ideja e ndarjes së Kosovës do forconte edhe partitë populliste në gjithë Europën.
Në fund media gjermane shkruan se kjo ide mbështetet edhe nga Shqipëria, ku kryeministri i saj Edi Rama, luan me kartat e njëjta si Vucic./Foldrejt.com
