Media më e madhe greke “E-Kathimerini” po shkruan me shqetësim për prezencën turke në Ballkan, dhe atë konkretisht për Maqedoninë Veriore.
Pas ratifikimit të Marrëveshjes së Prespës, “Serbia mbetet vendi i fundit nën syrin e Rusisë. Por Turqia mundohet të shfaqet si fuqi periferike në Maqedoninë Veriore me sëpaku gjysëm milion muslimanë, 600 xhami dhe rreth 300 mijë persona të cilët prezantojnë në faljen e xhumasë”, përcjell foldrejt.com, shkrimin kontravers të medias greke.
Media greke më tej shkruan se ministri i jashtëm maqedonas, Nikola Dimitrov vizitën e parë e kreu në Ankarë, kurse TIKA me prezencë në 150 shtete, në Maqedoninë Veriore ka financuar 600 projekte.
Qendër Zhupa nuk do kishte asgjë pa TIKËN
Artikullshkruesi që rezulton të jetë nga partia opozitare greke Demokracia e Re, Iraklis Gerogiokas, duket se ka vizituar edhe një komunë në perëndim të Maqedonisë, Qendër Zhupa, ku kryetari i saj i kishte thënë: “Pa Turqinë ne do ishim rrënuar.” Vetëm javës së fundit Turqia ka dhuruar 600 koshere bletësh për 60 familje.
Poashtu TIKA ka ndihmuar gjatë katastrofave natyrale dhe renovimin e spitalit të Nënë Terezës në Shkup, për të mos harruar edhe renovimet e shumë shkollave, muzeve dhe xhamive.
Shumë institute ofrojnë kurse falas të turqishtes, duke e kthyer këtë gjuhë më popullore se anglishtja te personali ushtarak, përcjell foldrejt.com. Shpesh ftohen edhe autorë turq që promovojnë literaturën turke.
“Minoriteti turke disponon më shumë media sesa shqiptarët,” shkruan më tej me shqetësim E-Kathimerini. Serialet turke shihen nga deri 500 milion teleshikues.
Iraklis Gerogiokas, nuk ngurron ta quajë presidentit Rexhep Taip Erdogan, ai udhëheqës të një regjimi autokratik.
I gjithë ky shkrim përmbyllet me frikën e dominimit turk dhe mundësisë së zëvendësimit të saj me forcën greke. Në fund autori shprehet se ka ardhur koha që pas Marrëveshjes së Prespës të mendohet ndryshe.
Nëse deri dje flisnin për Aleksandrin e Madh, pse tani të mos bisedojmë herën e parë për Aristotelin?, përmbyll shkrimin autori Iraklis Gerogiokas i cili është anëtar i komitetit të partisë Demokracia e Re, që pritet ti fitojë zgjedhjet e ardhshme në Greqi./Foldrejt.com
Vërejtje: Kur lexojmë këto shkrime te mediat greke, kuptojme se pse ata paguajnë me qindra-mijëra euro deputetët shqiptarë dhe pse shqiptarët duke qenë një komb i vogël – fatkeqësisht ose fatmirësisht duhet të zgjedhë rajonalisht mes Greqisë ose Turqisë.
