Thuajse se çdokush e dijë se ka një dimension më shumë sesa kontesti i emrit mes Greqisë dhe Maqedonisë së Veriut.
“Aty bëhet fjalë për një tension gjeopolitik mes Perëndimit dhe Rusisë, por është edhe roli i vijueshëm i penetrimit të Turqisë në Ballkan – duke përdorur metodën religjioze – që duhet të jetë shqetësim partikular i Fuqive Perëndimore,” shkruan Tom Ellis për të përditshmen më të madhe greke “E-Kathimerini”, përcjell foldrejt.com.
Sipas së përditshmes greke, shembulli më i mirë i kësaj është ndërtimi i xhamisë më të madhe në Ballkan në Tiranë. Xhamia e Namazgjasë në qendër të Tiranës pritet të përfundojë në fund të vitit. Ajo do ketë hapësirë për 5000 besimtarë, një librari, një qendër kulturore dhe sallë konferencash, përcjell foldrejt.com.
“Përveç Kuranit, aty do mësohet edhe gjuha turke,” shkruan me shqetësim media greke, që ‘harron’ se edhe nëpër kishat ortodokse shqiptare ligjërohet në gjuhën greke. “Kjo është axhenda neo-osmaniste e Erdoganit, i cili mori pjesë në ceremoninë e gurthemelit të xhamisë, duke e paraqitur atë si simbol unik të vëllazërisë mes turqve dhe shqiptarëve.”
Më tej media greke tregon se në vitet e kaluara janë ndërtuar edhe 20 xhami të tjera në Kosovë dhe pavarësisht se këto xhami ndodhen në trojet shqiptare, ata të kujtojnë arkitekturën e Stambollit.
“Kjo iniciativë nuk është aq shumë për sensibilitetin religjioz të Erdoganit, sesa ambicia e tij për të promovuar Turqinë si shampione dhe mbështetëse e të gjithë muslimanëve në Ballkan, mundësisht edhe të “gjithë vellëzërve tanë” në pjesën tjetër të Europës,” përcjell foldrejt.com. Në këtë kontest Turqia inaguroi xhami të re në Cologne.
Prandaj lind pyetja se si shqiptarët dhe popujt e tjerë të Ballkanit ndjehen për këtë rritje të pranisë turke në vendet e tyre nëpërmjet rrugës (në dukje) dashamirëse të fesë.
“A e mirëpresin atë? A janë ata të ndryshme? Ose a janë ato të zemëruar? Dhe në të njëjtin kontest, si Greqia dhe Bashkimi Europian do e trajtojë këtë linjë veprimi të Turqisë?”, pyet në fund retorikisht media greke./Foldrejt.com
