Ministri i Mbrojtjes i Kosovës, Armend Mehaj, njoftoi sot se FSK-ja është pjesë e konferencës së nënoficerëve të Kartës së Adriatikut në Republikën e Sllovenisë.
Për këtë Mehaj njoftoi përmes një njoftimi në Facebook, përcjell Fol Drejt.
“FSK pjesë e konferencës së nënoficerëve të Kartës së Adriatikut në Republikën e Sllovenisë
Në kuadër të bashkëpunimit me Republikën e Sllovenisë, rreshter majori i FSK-së, Bedri Zuka po merr pjesë në Konferencën e nënoficerëve të Kartës së Adriatikut ( A5), të udhëhequr nga Rreshter Majori i ushtrisë sllovene Kovaç.
Kjo ngjarje është duke u realizuar në NATO Montain Warfare Center for Exellence, me këtë rast rreshter major Zuka ka prezantuar të arriturat e korit të nënoficerëve të Forcës së Sigurisë së Kosovës, sukseset, sfidat dhe rekrutimin në ushtrinë e Kosovës.
Gjithashtu në kuadër të bashkëpunimit me Republikën e Sllovenisë, në Kampin e 16-të Dimëror, në mesin e 22 shteteve anëtare të NATO-s, Forcën e Sigurisë së Kosovës është duke e përfaqësuar, OR5 Besnik Nebihu i cili në aktivitetet e realizuara nga data 17-24 mars, ka treguar suksese të larta, duke përfaqësuar denjësisht Forcën e Sigurisë së Kosovës”, njoftoi Mehaj./FolDrejt/
