Ministri i Mbrojtjes, Armend Mehaj, përmes një postimi në Facebook, ka shprehur mirënjohje maksimale për Policinë e Kosovës, të cilën madje e ka quajtur gardiane të sigurisë dhe rendit publik.
“Në emrin tim, Ministrisë së Mbrojtjes dhe gjithë ushtarakëve të FSK-së shprehim mirënjohjen maksimale për policët tanë, gra e burra heroik, gardianë të sigurisë dhe rendit tonë publik, si dhe luftëtarë të pakompromis në zbatimin e ligjit.” shkruan Mehaj, transmeton Fol Drejt.
Midis tjerash ai e ka cilësuar aksionin e tyrë të djeshëm si një tregues të përgatitjes profesionale për t’u përballur me vështirësitë që sjell detyra e tyre.
“Rasti i fundit, kur duke rrezikuar edhe jetën e tyre dhe qëndruar fuqishëm në krye të detyrës, kundër kontrabandës dhe krimit të organizuar, na bënë shumë nder dhe krenar të gjithëve, krahas përgjegjësisë së të gjithëve që të përkrahim fuqishëm Policinë tonë.Policëve të lënduar gjatë operacionit të fundit, u urojmë shërim sa më të shpejtë dhe kthim në detyrat, shërbimin dhe misionin e tyre të shenjtë.”/FolDrejt/
