Kryetari i Partisë Demokratike të Kosovës (PDK), Memli Krasniqi, nga e hëna ka nisur një fushatë të titulluar “Fakte për Pavarësinë” e cila ka për qëllim t’i njohë të rinjë ne disa fakte siç i ka quajtur Krasniqi “interesante” që ndërlidhen me Pavarësinë e Kosovës.
“Gjatë kësaj jave me aktivitete të shumta, do të ndajë me ju, e posaçërisht për gjeneratat e reja, edhe disa fakte interesante që ndërlidhen me Pavarësinë e Kosovës”, u shpreh Krasniqi në videon e parë të publikuar në profilin e tij zyrtar në facebook, përcjell Fol Drejt.
Sot Krasniqi publikoi një video ku paraqitet me dizajnuesin e flamurit të shtetit të Kosovës.
“A e dini se Muhamer Ibrahimi – Trimi, përveç që ka dizajnuar flamurin e Republikës së Kosovës, ka qenë edhe ushtar i UÇK-së në Zonën e Pashtrikut? Çfarë krenarie!”, njoftoi Krasniqi.
Më poshtë ju sjellim videon e publikuar nga i pari i PDK-së në Facebook./FolDrejt/
