Sipas të dhënave nga Qendrës Kombëtare për Menaxhimin Kufitarë, gjatë ditës së sotme janë regjistruar mbi tri orë pritje të qytetarëve për të hyrë dhe dalë nga Kosova në pikën kufitare në Merdare, shkruan Fol Drejt.
Radha e automjeteve në këtë pikë, për dalje, është deri në 300 metra.
Po ashtu pritje një orë e gjysmë ka edhe në dalje të pikës kufitare Dheu i Bardhë.
Ndërkaq, radha e automjeteve në dalje në pikën kufitare të Dheut të Bardhë, është deri në 900 metra, kurse në hyrje 50 metra.
Kolona të veturave ka edhe në Jarinjë, ku sipas QKMK-së radha e automjeteve në dalje është 300 metra kurse pritjet për hyrje – dalje shkojnë deri në 50 minuta.
Ndryshe, pikat e tjera kufitare sipas Qendrës janë kryesisht të qeta dhe nuk kanë pritje të gjata dhe kolona. /FolDrejt/
