Në fillim të prillit vdiq Herlind Kasner (90) nëna e lideres më të dashur të botës Angela Merkel (64, CDU). 90 vjeçarja e ndjerë deri para pak javësh kishte mbajtur kurse në gjuhën angleze dhe latine.
Në ditët e kaluara, përkundër vdekjes së nënës, Merkel nuk e kishte qarë hallin me të tjerët dhe kishte respektuar terminet. Të mërkurën lajmi u konfirmua edhe nga zyra e Kancelares. Varrimi i Herlind Kasner do bëhet me rrethin e ngushtë familjar dhe miqësor në Templin – aty ku Merkel kaloi fëmijërinë.
Si jetonte Herlind Kasner?
Herlind Kasner kishte mbajtur mësim të gjuhës angleze në shtator 2018, pikërisht në moshën 89 vjeçare në gjimnazin e Templin.
„Kam gjene të forta“, thoshte nëna e Merkelit, kur pyetej sesi e gjente kondicionin. Gjatë kohës së sistemit komunist në Gjermaninë lindore, Herlind nuk lejohej të punonte – pasi marrëdhëniet mes shtetit të saj dhe botës perëndimore ishin tepër të ftohta.
Angela Merkel kishte marrëdhënie të ngushtë me nënën e saj
Pas vdekjes së babait Horst Kasner 2011, Merkel u lidh edhe më tepër me nënën e saj. Në kohën kur Kasner ishte rrëzuar në 2018, Merkel ishte marrë intensivisht me nënën e saj. Kjo tregon anën njerëzore të Merkelit.
Përkundër që Angela Merkel kishte qëndruar shumë pranë nënës së saj, ajo nuk kishte dashur që çështja të marrë jehonë nëpër media.
Herën e fundit Merkel dhe Herlind ishin parë sëbashku në publik në fillim të shkurtit kur kancelarja u shpall qytetare nderi në Templin. Një fakt interesant është se nëna e Merkelit ishte mbështetëse e partisë së majtë SPD, por jo çështje problematike për kancelaren e hekurt, pasi edhe ajo vetë pas rrëzimit të Murit të Berlinit u anëtarësua në këtë parti të majtë.
Merkel nuk kërkon vëmendje
Është e dukshme se Merkel nuk kërkon vëmendje nga tragjedia familjare. Ajo bile gjatë të mërkurës është parë në takimin e Brexit me kolegët europianë.
Sot Merkelin e presin termine të rëndësishme, kurse të premten duhet të presë presidentin ukrainas Petroschenko? Kjo e fundit mund të shtyhet për ndonjë ditë tjetër.
Diçka për t’u kujtuar?
Në shtator 2011, vdiq babai i Merkelit Hors Kasner në moshën 85 vjeçare. Atëkohë Merkel pezulloi të gjitha terminet, por dhimbjen përsëri nuk e ndau publikisht. Tre ditë pas vdekjes së të atit, Merkel mbajti një fjalim në Bundestagun gjerman. Në pyetjen rreth asaj sesi ia çon me dhimbjen, Merkel u përgjigj: “Secili, që diçka të ngjashme ka përjetuar në familje, e dijë se çfarë do thotë.”/Foldrejt.com
