Frenimi federal i emergjencës është i vonuar, sepse situata është serioze dhe të gjithë duhet ta marrim seriozisht, tha kancelarja gjermane Angela Merkel në një deklaratë të shkurtër për shtypin pas këshillit të ministrave në Berlin.
“Ne duhet të bëhemi më të rreptë dhe të qëndrueshëm në luftën kundër pandemisë. Është tepër vonë të veprosh kur njësitë e kujdesit intensiv janë plot dhe tani i takon shtetit dhe qytetarëve që të mos lënë mjekët dhe infermierët pa mbështetje nëpër spitale”, shtoi ajo, raporton ATSh.
Legjislacioni, i quajtur “frenim emergjent” nënkupton një orë policore lokale dhe mbylljen e dyqaneve jothelbësore, nëse numri i infeksioneve në ndonjë pjesë të vendit rritet më shumë se incidence kombëtare.
Ky ligj ka ende nevojë për miratim në parlament, ku qeveria po përpiqet të përdorë procedurat e përshpejtuara për ta arritur atë sa më shpejt.
