Në mbledhja e 76-të e Qeverisë së Kosovës, e cila është mbajtur në mënyrë elektronike, është marr vendim për kandidatët për anëtarë të Bordit të Organit Shqyrtues të Prokurimit, transmeton Fol Drejt.
Kjo gjë është bërë e ditur nëpërmjet një njoftimi zyrtar të lëshuar nga Qeveria e Kosovës.
“Qeveria e Republikës së Kosovës ka zhvilluar mbledhje elektronike në të cilën ka miratuar plotësimin dhe ndryshimin e Vendimit të Qeverisë Nr. 06/67 të datës 9 mars 2022, me të cilin i janë propozuar Kuvendit të Republikës së Kosovës kandidatët për kryetar dhe katër (4) anëtarë të Bordit të Organit Shqyrtues të Prokurimit.
Me ndryshimin dhe plotësimin e vendimit, në vend të z. Arbnor Tmava është propozuar z. Agon Ramadani për anëtar në Organin Shqyrtues të Prokurimit Publik. Vendimi do të procedohet për shqyrtim në Kuvendin e Republikës së Kosovës” – thuhet në njoftim./FolDrejt/
