Shefi i çështjeve të jashtme të Komisionit Evropian, Peter Stano, theksoi se Turqia pritet të ndalojë retorikën e saj kërcënuese.
BE i bën thirrje Turqisë “të respektojë sovranitetin e vendeve anëtare të BE-së dhe të angazhohet për zgjidhjen e të gjitha çështjeve të hapura në frymën e fqinjësisë së mirë me respekt të plotë të ligjit ndërkombëtar”, tha përfaqësuesi i Komisionit, përgjegjës për punët e jashtme, Peter Stano, shkruan protothema, transmeton Fol Drejt.
Në përgjigje të një pyetjeje për faktin se ambasadorit të Greqisë në Ankara, Christodoulos Lazaris i është kërkuar të japë një shpjegim, por edhe për sjelljen e përgjithshme të Turqisë, zoti Stano theksoi se nuk do të komentonte “çfarë ndodhi dje në Ankaraja kur u thirr ambasadori, sepse kjo është diçka mes dy shteteve”. Por në lidhje me çështjen e përgjithshme të veprimeve të Ankarasë, përfaqësuesi i Komisionit, nënvizoi solidaritetin e BE-së me Greqinë.
” Greqia është një vend anëtar i BE-së dhe BE-ja dhe vendet anëtare të saj kanë formuluar shumë qartë me një sërë përfundimesh të Këshillit Evropian, pritshmëritë nga Turqia për të de-përshkallëzuar, për t’u angazhuar për një de-përshkallëzimin konstruktiv në mënyrë që të të vazhdojë një bashkëpunim reciprok konstruktiv jo vetëm me Greqinë , por me BE-në në tërësi”, tha Peter Stano, duke shtuar se Turqia pritet të ndalojë “retorikën kërcënuese”. Së fundi, ai u shpreh se “veprimet e fundit, provokimet , retorika janë në drejtim të kundërt me de-përshkallëzimin që është aq i nevojshëm”./FolDrejt/
