Lionel Messi tha se nuk do të luajë për kombëtaren e Argjentinës në Kupën e Botës, e cila do të mbahet në Kanada, Meksikë dhe Shtetet e Bashkuara të Amerikës në vitin 2026.
Kujtojmë se Messi fitoi titullin në Kupën e Botës në Katar vitin e kaluar me kombëtaren.
“Nuk mendoj se do të luaj në kampionatin e ardhshëm botëror. Katari ishte Botërori im i fundit. Do të shoh si do të zhvillohet situata, por në parim jo. Nuk do të luaj në vitin 2026”, tha Messi për mediat kineze.
Messi luajti në Kupat e Botës 2006, 2010, 2014, 2018 dhe 2022. Aktualisht me përzgjedhjen e Argjentinës ndodhet në Pekin ku do të luajë miqësore me Australinë dhe Indonezinë.
Messi së fundmi ka njoftuar se nuk do të rinovojë kontratën me Parisin. Ai do të vazhdojë karrierën te Inter Miami, transmeton Fol Drejt.
