Microsoft tha se ka kufizuar bisedat me motorin e ri të kërkimit në internet të bazuar në inteligjencën artificiale (AI) në pesë pyetje për seancë dhe gjithsej 50 pyetje në ditë.
“Siç e përmendëm kohët e fundit, bisedat shumë të gjata mund të ngatërrojnë modelin themelor të bisedës së Bing-ut të ri.” Për të adresuar këtë, ne kemi bërë disa ndryshime për të fokusuar më mirë seancat e bisedës, “tha Microsoft në një postim në blog, përcjell Fol Drejt.
Vendimi u mor disa ditë pasi disa media raportuan se përgjigjet e kërkimit të Bing-ut të ri janë potencialisht të rrezikshme dhe se teknologjia e re mund të mos jetë ende gati për përdorim të hapur.
Rezultatet fillestare të kërkimit dhe bisedës me Bing dhe chatbot-et e Google kanë treguar se ato mund të jenë të paparashikueshme.
Në fillim të kësaj jave, një reporter i Reuters pyeti versionin e ri të Bing me AI të fuqizuar se sa kushton një filtër ajri dhe Bing përfshiu në përgjigjen e tij reklamat për filtrat e shitur nga faqja e internetit Parts Geek, në vend të një përgjigje specifike për pyetjen.
Miliona njerëz janë tashmë në një listë pritjeje për akses në Bing të ri dhe kompania ka njoftuar se teknologjia e re mund të sjellë 2 miliardë dollarë të ardhura për çdo përqindje shtesë të pjesës së tregut që fiton./FolDrejt/
