Një video përgjim, e publikuar ku dëgjohet Mimoza Kusari Lila duke biseduar me Igor Simiqin e Listës Serbe, ka nxitur dhjetëra, qindra reagime në rrjet, shkruan Fol Drejt.
Shefja e Grupit Parlamentar të Lëvizjes Vetëvendosje, dëgjohet duke e pranuar se ka biseduar disa minuta me Millan Radojçiqin, i cili besohet të jetë njëri prej personave të nëntokës në veriun e Kosovës.
Video-përgjimin e ka publikuar Gazeta Nacional.
Kjo është biseda e transkriptuar nga videoja e parë, e cila, sipas gazetës në fjalë, do të vijohet me disa të tjera:
Slavko: Ti e din që unë të kam lidhë me Millanin, keni bisedu ka 30-40 minuta për me gjetë ndonjë zgjidhje.
Mimoza: Dy-tre minuta.
Slavko: Një herë keni bisedu gjatë, ku keni bisedu për energji në veri, a e mban mend.
Slavko: Kemi provu me gjetë zgjedhje edhe me ndërtu një raporto partnerësh dhe çfarë ndodhi, njeri që marrim direkt instruksione, që e ka një diapazon të gjanë për secilin prej nesh, pa të cilin nuk mund të bëjmë asgjë… disa vendime që i marrim bashkë me të, nuk mundet me ndiku as Vuçiqi.
Mimoza: E kush është kryesori, Rakiq apo?
Slavko: Milani bre është kryesore, po çfarë Rakiqi, i cili është veç kryetar i Listës Serbe dhe anëtar i Qeverisë ama kur të vjen puna për me marrë vendime, për këtë sene nuk ka nevojë as me më pyet sepse t’i kam shpejgu kur kemi bisedu… Njeriu nuk e ka meritu aspak tretmanin që i është bërë, duke e futë në listën e ndalimit.
Mimoza: Pse po më thua mua?
Duke e komentuar incizimin, gazetari Mirlind Behluli ka thënë se këto lloj bisedash janë rrezik i sigurisë nacionale:
“Bisedat e Mimoza Kusarit me Milan Radoiciqin jane rrezik i sigurise nacionale. Zyrtarisht, pushteti i VV-se ka qene ne koordinim me nje krimel i kerkuar per vrasje dhe ne liste zeze te ShBA-se. Kushdo qe e ka urdheru, beku e fsheh kete koordinim duhet me u ndjek penalisht. Pas kesaj video, zgjedhjet e reja jane te domosdoshme. Kosova nuk meriton te udhehiqet ne koordinim me Milan Radoiciqin.”
Për gazetarin Lirim Mehmetaj nuk ka asgjë befasuese në këtë histori, dhe se Kusari Lila medoemos ka qenë e shtyrë nga vetë shefi i saj Albin Kurti, për ta zhvilluar një bisedë të tillë:
“Kush mendon se Mimoza Kusari-Lila ka bisedu me Milan Radojiçiç-in krye në vete e jo e urdhëruar nga udhëheqësi i saj, Albin Kurti, atëherë i takon qatij grupit të 40% që Kurti i quan analfabetë funksionalë.
Ama unë e di që s’mendon askush ashtu. Të gjithë e dimë kush e ka obligu të flas me të “për me gjetë zgjidhje”” – ka shkruar ai, duke i cilësuar si “teveqela” ata të cilët nuk do të besonin kurrë që dikush nga Vetëvendosje mund të provonte një gjë të tillë.
/FolDrejt/
