Qeveria ukrainase mund të marrë fondet e nevojshme për rindërtimin e Ukrainës nga buxheti i shtetit, por duhet të kërkojë edhe burime të tjera, tha për Suspilne Ministri i Financave Serhii Marchenko, shkruan The Kyiv Independent, përcjell Fol Drejt.
Sipas tij, vendi mund të përdorë paratë që Rusia i ka grabitur në territorin ukrainas për punët e ardhshme të rindërtimit.
“Ne jemi aktualisht në kërkim të burimeve për rimëkëmbjen kritike… Ne po flasim për rreth 38 miliardë dollarë në vit,” tha Marchenko.
Në fjalimin e tij të mbrëmjes më 27 tetor, Presidenti Volodymyr Zelensky tha se Rusia kishte nisur mbi 4,500 sulme raketore në Ukrainë që nga fillimi i pushtimit në shkallë të plotë në shkurt.
Dëmi i shkaktuar nga sulmet ruse në infrastrukturën e Ukrainës ka arritur në 127 miliardë dollarë, sipas Shkollës Ekonomike të Kievit. /FolDrejt/
