Ministri i Shëndetësisë i Republikës së Kosovës, Dr. Rifat Latifi, i shoqëruar edhe nga Zëvendësministrja , Dr. Dafina Gexha-Bunjaku, kanë takuar sot në Izmir të Turqisë Rektorin dhe Dekanin e Universitetit ‘’ Ege Tıp Fakültesi’’, Prof. Dr. Necdet Budak dhe Prof. Dr.Cemil Gürgün Dekan i këtij Universiteti, Zëvendës Rekorët dhe Dekanin e Universitetit ‘’9 Eylül Tıp Fakultesi’’, Prof Dr. Mehmet Ali Özcan, Prof Dr. Uğur Malayoğlu dhe Prof Dr. Oktay Ergene.
Gjatë këtyre takimeve është biseduar për bashkëpunimin me këto dy universitete në fushën e hulumtimeve shkencore dhe në edukim.
Ministri Latifi, tha se shkëmbimi i përvojave, sidomos trajnimi i specializantëve dhe stafit tjetër mbështetës shëndetësor është shumë i mirëseardhur, pasi që, sipas tij, Kosova ka nevojë për përvoja dhe eksperiencë në këtë drejtim, transmeton Fol Drejt.
Theks të veçantë në këto takime iu dha shkencës, pasi që shkencëtarët tanë duhet të jenë jo vetëm qytetarë të botës, por edhe shkencëtarët të suksesshëm në botë.
Ministri Latifi, theksoi se Kosova dhe Qeveria e saj i ka dyert e hapura për bashkëpunim si për përgatitjen e infrastrukturën për t’u mundësuar gjeneratave të reja për bërë shkencë dhe zhvillimin e sistemit të shëndetësisë.
Ndërkaq, nikoqirët, u shprehën të nderuar me vizitën e ministrit Latifi, pasi që sipas tyre, pas 14 vjet të pavarësisë së Kosovës, ministri Latifi ishte i pari personalitet institucional që ka vizituar këto dy institucione arsimore dhe shkencore.
Ata u shprehën të gatshëm për bashkëpunim në të gjitha fushat që Kosova është e interesuar.
Ndërkaq, në Universitetit ‘’ Ege Tıp Fakültesi, tash janë duke specializuar 2 specializantë dhe duke studiuar 2 studentë, kurse në Universitetit ‘’9 Eylül Tıp Fakultesi”, janë 9 studentë nga Kosova./FolDrejt/
