Ministri i Mbrojtjes i Kinës, Li Shangfu, po viziton Rusinë dhe Bjellorusinë në shenjë mbështetjeje teksa Perëndimi përpiqet të izolojë dy aleatët për pushtimin e Ukrainës nga Moska, shkruan Al Jazeera, transmeton Fol Drejt.
Li u nis të hënën në udhëtimin gjashtë-ditor, gjatë të cilit ai do të mbajë një fjalim në Konferencën e Moskës për Sigurinë Ndërkombëtare dhe do të takohet me liderë të mbrojtjes nga Rusia dhe vende të tjera, tha ministria e mbrojtjes e Kinës në llogarinë e saj në mediat sociale, duke cituar zëdhënësin kolonel Wu Qian.
Ata do të “diskutojnë aspekte të ndryshme të sigurisë në kushtet e vendosjes së një rendi botëror shumëpolar, mënyrat për të rivendosur bashkëpunimin konstruktiv ndërkombëtar në kontekstin e pretendimeve agresive të elitave euroatlantike për dominim botëror”, tha agjencia shtetërore ruse e lajmeve TASS, duke cituar. zëdhënësi i Ministrisë së Jashtme të Kremlinit.
