Ministri serb i Mbrojtjes, Milosh Vuçeviq, në një intervistë për televizionin Happy, ka treguar se ushtria serbe është në gjendje gatishmërie.
Kjo deklaratë e tij vjen pas zhvillimeve për targat dhe implementimit të vendimit nga ana e Qeverisë së Kosovës.
“Serbia është një vend serioz dhe për këtë arsye askush nuk duhet të bëjë lojëra lufte. Ne nuk mund të jemi të qetë dhe jemi për dialog”, është shprehur ministri serb.
“Ushtria serbe është e gatshme të zbatojë çdo urdhër të Vuçiqit, i cili është komandant i saj i përgjithshëm”, shtoi ai./FolDrejt/