Ministri Shoigu theksoi se mobilizimi po kryhet për të kontrolluar“ territoret tashmë të çliruara”. Ai tha se rreth 300 mijë rezervistë do të thirren për mobilizim të pjesshëm.
Ministri rus i Mbrojtjes, Sergei Shoigu, pasi u njoftua një mobilizim i pjesshëm ushtarak në Rusi, ka deklaruar se vendi i tij nuk është në luftë me ushtrinë ukrainase aq sa është më “Perëndimin kolektiv”,shkruan AA, transmeton Fol Drejt.
Në një intervistë për kanalin “Russia 24”, ministri Shoigu theksoi se mobilizimi po kryhet për të kontrolluar“ territoret tashmë të çliruara”. Ai tha se rreth 300 mijë rezervistë do të thirren për mobilizim të pjesshëm.
Sot, presidenti rus Vladimir Putin njoftoi një mobilizim të pjesshëm ushtarak në Rusi, derisa lufta me Ukrainën po i afrohet muajit të shtatë.
Shoigu tha se një “Komandë Perëndimore” është e vendosur në kryeqytetin ukrainas Kiev dhe drejton operacionin ushtarak në Ukrainë.
Ai pretendon se mbi 1 mijë mercenarë të huaj po luftojnë për Ukrainën.
Shoigu thekson se të gjitha llojet e armëve të ushtrisë ruse, përfshirë “treshen bërthamore”, po përmbushin detyrën e vendosur nga presidenti Putin në kuadër të operacionit.
Pas muajsh heshtjeje për humbjet e Rusisë në konflikt, Shoigu tha se viktimat e Rusisë nga “operacioni special ushtarak” në Ukrainë janë 5.937./FolDrejt/
