Ministri i Punëve të Brendshme, Xhelal Sveçla, në një konferencë për media ka thënë se në pjesën veriore të Kosovës vazhdon të shkelet ligji.
Ai ka përmendur rastet e sulmeve ndaj shtetasve të cilët kanë konvertuar targat ilegale në ato legale, duke theksuar se në bazë të përvojave të kaluara, mund të ketë edhe rreziqe tjera.
“Në vazhdimësi ka shkelje të ligjit atje. Ju jeni dëshmitar se si shtetas tanë që kanë bërë konvertimin e targave kanë qenë të atakuar dhe kjo natyrisht se është një brenga e jona”, është shprehur ministri Sveçla.
“Duke pasur parasysh përvojat e kaluara, vlerësojmë se mund të ketë edhe rreziqe të tjera”, ka shtuar ai tutje./FolDrejt/