Ministria e Shëndetësisë përmes një komunikate për media ka njoftuar se vaksinat kundër gripit sezonal kanë arritur në Kosovë dhe duke filluar nga java tjetër do të fillojë vaksinimi i qytetarëve, shkruan Fol Drejt.
Ministria u ka bërë thirrje qytetarëve sidomos personave më të moshuar dhe atyre me gjendje kronike, që të vaksinohen për t’u mbrojtur nga ky grip.
“MSh ka siguruar vaksina të mjaftueshme prandaj, ftohen qytetarët që nga data 31 janar e tutje të vaksinohen”, thuhet tutje në njoftim.
Vaksinimi kundër gripit sezonal mund të bëhët çdo ditë pune në Njësitë e vaksinimit të kuadër të Qendrave Kryesore të Mjekësisë familjare në çdo komunë. /FolDrejt/
