Ministrja e Drejtësisë, Albulena Haxhiu, në shënim të 24-vjetoritë masakrave në Qyshk, Zahaq, Pavlan e Llabjan të Pejës ka thënë se mizoritë e kryera e vuatjet e shkaktuara ndaj popullit tonë nuk do të harrohen, ndërsa drejtësia do të vihet në vend, shkruan Fol Drejt.
“Me 24 maj 1999 në Qyshk të Pejës forcat e armatosura serbe kryen ndër masakrat më mizore gjatë luftës në Kosovë. Në këtë masakër u vranë 44 burra shqiptarë në tri shtëpi të fshatit, u dhunuan gra shqiptare, e u dëbuan më shumë se 400 civil.”, shkroi Haxhiu në Facebook.
Haxhiu theksoi se në po të njëjtën ditë, forcat serbe vazhduan vrasjet e sulmet ndaj civilëve shqiptarë të tjerë në vendet si Zahaq, Pavlan e Llabjan.
“Drejtësia për viktimat e vrarë e familjarët e tyre ende mungon. Mizoritë e kryera e vuatjet e shkaktuara ndaj popullit tonë nuk do të harrohen, e drejtësia do të vihen në vend.
Lavdi të gjithë atyre që ranë për liri!”, tha në fund Haxhiu. /FolDrejt/
