Ministrja e Drejtësisë, Albulena Haxhiu, ka marrë pjesë në varrimin e Hamide Magashit, e cila para dy ditësh u vra, bashkë me foshnjën që mbante në bark, nga ish-bashkëshorti.
Haxhiu ka shprehur pikëllimin e saj në lidhje me rastin, teksa ka uruar që ky rast të jetë i fundit.
“Të pikëlluar e me zemër të thyer u mblodhëm në varrimin e gruas e cila tragjikisht u vra, një ditë para se të bëhej nënë.
Hamide Magashi dhe foshnja e saj e palindur tashmë janë në amshim, por prezenca e tyre do të mbetet gjatë në kujtimin e të gjithëve, duke reflektuar për të mos lejuar kurrë më veprime të tilla.
Qoftë e fundit kjo viktimë! Qoftë i paharruar kujtimi për të!”, ka shkruar Haxhiu në facebook./FolDrejt/