Ministrja e Drejtësisë, Albulena Haxhiu, ka reaguar pas shqiptimit të dënimit ndaj dy të akuzuarve, Dardan Krivaqa dhe Arbër Sejdiu për dhunimin dhe vrasjen e Marigona Osmanit, transmeton Fol Drejt.
Haxhiu e ka cilësuar gjykimin si “gjykim të drejtë”.
“Gjykata Themelore në Ferizaj shqiptoi dënimin maksimal ndaj një prej krimeve më mizore të shkaktuara viteve të fundit, dhunës deri në vdekje ndaj Marigona Osmanit nga krimineli Dardan Krivaça dhe bashkëpunëtori në krim, Arbër Sejdiu.
Ndërgjegja kolektive mbase mund të jetë më e qetë kur drejtësia në emër të popullit, vihet siç duhet.
Uroj që drejtësia ndaj rasteve të dhunës e vrasjeve të grave të jetë në nivelin më të lartë profesional, duke shqiptuar dënimet më meritore, të pa ndikuara dhe të pa ngarkuara nga mendime provinciale e patriarkale siç kemi parë në të kaluarën.”, ka thënë Haxhiu./FolDrejt/