Ministrja Haxhiu do të ndërmarrë një vizitë zyrtare në SHBA gjatë muajit dhjetor.
Këtë e ka bërë të ditur këshilltari i lartë dhe njëherit shefi i kabinetit të Ministrisë së Drejtësisë, Genc Nimoni përmes një postimi në facebook.
Nimoni, duke reaguar ndaj disa raportimeve mediatike se ministres Haxhiu i është refuzuar viza, e ka quajtur lajmin të pavërtetë, me ç’rast ka konfirmuar vizitën e ministres në SHBA.
“Me ftesë të autoriteteve Amerikane, në muajin dhjetor të këtij viti, Ministrja Haxhiu planifikon një vizitë zyrtare në Shtetet e Bashkuara të Amerikës, gjatë së cilës vizitë do të ketë takime zyrtare me përfaqësues të Departamentit të Shtetit Amerikan, Departamentit për Drejtësi dhe institucione të tjera.
Në këtë vizitë, Ministrja Haxhiu do të jetë edhe pjesë e konferencës globale anti-korrupsion në Washington DC.”, ka shkruar Nimoni./FolDrejt/