Verës 2017 presidenti i sapozgjedhur amerikan Donald Trump tha hapur se “Katari është kthyer prej vitesh në financuesin e terrorizmit dhe atë të një niveli të lartë.” Me këtë shprehje njeriu më i fuqishëm i globit, vendosi në pozitë të rëndë shtetin e vogël por më të pasurin për kokë banori në botë – Katarin, shkruan Der SPIEGEL.
Vetëm se dy vjet më vonë Trump shprehet 180 shkallë ndryshe: “Tamim [Emiri i Katarit – foldrejt.com], ti je shoku im prej shumë kohësh, bile përpara sesa të filloj garën për president dhe ne ndjehemi shumë mirë me njëri-tjetrin,” tha Trump duke pritur Tamimin në një drekë në Shtëpinë e Bardhë. Ai shtoi se të dy janë duke punuar për të shkatërruar terrorizmin kudo që ai ka rrënjë.
Por pse ndodhi ky ndryshim i SHBA-së kundrejt Katarit?
- Miku më i afërt i Trump-it në rajon, Muhamed bin Salman, është i akuzuar direkt për vrasjen e gazetarit Jamal Khashoggi, kurse edhe miku tjetër, Muhammed bin Zayed i Abu Dhabit është kritikuar vetë nga ministria e jashtme amerikane për ndërhyrjen ushtarake në Sudan. Ngjashëm Dubai ka humbur imazhin edhe pas aferës së largimit të pincesës Haya. Këto situata ndikojnë që SHBA të gjejë edhe partnerë tjerë në Gjirin Persik.
- Katari financon direkt Hamasin në Rripin e Gazës dhe kjo tregon se lufta ose paqja në Izrael ndikohen dhe varet direkt nga Doha e Katarit. Pa ndihmën financiare të Katarit, kurrë nuk do kishte rrezik lufta rreth enklavës së Mesdheut.
- Në Katar ndodhet baza ushtarake amerikane më e rëndësishme e rajonit – Al-Udeid. Kjo është përgjegjëse për Lindjen e Mesme dhe gjithashtu si pikë mbështetëse e fluturimeve ajrore amerikane për Iranin. Tashmë konflikti Teheran-Uashington është më e tensionuar sesa asnjëherë.
- Katari ka më shumë ndikim sesa të gjitha vendet tjera arabe te Talibanët e Afganistanit. Përveç që në Katar strehohen shumë azilantë nga Gaza dhe grupet tjera islame, së fundi me ndihmën e Gjermanisë dhe Katarit ka filluar një bisedë mes talibanëve dhe trupave tjera në Afganistan. Trump është kyqur në biseda, pasi kërkon sa më shpejt largimin e trupave amerikane nga Hindukush.
- Në fund, Fondi i Investimeve të Katarit (QIA) është financuese e madhe në SHBA. Në vitet e ardhshme Katari mendon të investojë në SHBA 45 miliardë dollarë. Një milion vende pune në SHBA varen nga Katari. Mes tjerash për shkak të porositjes së 332 aeroplanë Boeing me vlerë 92 miliardë dolllarë./Foldrejt.com
