Qeveria e Japonisë miratoi për përdorim kitin e testit të gjakut i cili mund të diagnostikojë sëmundjen e Alzheimerit.
Ministria e Shëndetësisë, Punës dhe Mirëqenies së Japonisë (MHLW) dha miratimin për testin e gjakut i cili mund të diagnostikojë sëmundjen e Alzheimerit, shkruan AA, përcjell Fol Drejt.
Kiti diagnostikues, prodhim i kompanisë “Sysmex” me qendër në qytetin Kobe, mund të masë proteinën “amyloid beta” në trurin e personit të prekur me Alzheimer.
Duke matur sasinë e proteinës “amyloid beta” brenda një sasie të vogël gjaku që merret nga i personi i prekur nga Alzheimeri, kiti testues do të ofrojë mundësinë e diagnostikimit dhe trajtimit të hershëm.
E njohur si një proteinë anormale që shkakton bllokim në qelizat nervore në tru, “amyloid beta” njihet si një simptomë e sëmundjes së Alzheimerit.
Në deklaratën nga kompania “Sysmex” thuhet: “Po bëjmë përgatitje që produkti të ofrohet me shpejtësi edhe në treg por edhe që të përfshihet në kuadër të sigurimit shëndetësor kombëtar të Japonisë”./FolDrejt/
