Asambleja e Përgjithshme e Kombeve të Bashkuara miratoi një rezolutë për krijimin e një organi të pavarur për të përcaktuar se çfarë ndodhi me më shumë se 130,000 njerëz të zhdukur gjatë luftës në Siri, raporton Klix, përcjell Fol Drejt.
Rezoluta, e cila është një përgjigje e rëndësishme ndaj apeleve të familjeve dhe të dashurve të tyre, u miratua dje nga organizmi botëror që ka 193 anëtarë me 83 vota pro, 11 kundër dhe 62 abstenime.
Ndër ata që kundërshtuan rezolutën ishte Siria, e cila tha se nuk do të bashkëpunonte me institucionin e ri. Rusia, Kina, Bjellorusia, Koreja e Veriut, Kuba dhe Irani gjithashtu votuan kundër.
Rezoluta thekson se pas 12 vitesh luftime në Siri, “është bërë pak përparim në zbutjen e vuajtjeve të familjeve duke dhënë përgjigje për fatin dhe vendndodhjen e të gjithë të zhdukurve.
Rezoluta themelon Institucionin e Pavarur për Personat e Zhdukur nën kujdesin e OKB-së. Viktimat, të mbijetuarit dhe familjet e të zhdukurve duhet të përfaqësohen në organin e ri, i cili, sipas rezolutës, do të udhëhiqet nga parimet e paanshmërisë, transparencës dhe konfidencialitetit të burimeve dhe informacionit. /FolDrejt/
