Pavarësisht deklaratave para zgjedhore se do bllokonte shtetin fqinj derisa prodhimet e tij do i shiste si “maqedonase”, duket se kryeministri i ri grek, Kyriakos Mitsotakis, ka zhgënjyer për mirë. Ai së fundi, në një intervistë për prestigjiozen Financial Times, ka theksuar se do mbështesë integrimin e Maqedonisë së Veriut dhe Shqipërisë në BE, si dhe ka kritikuar presidentin francez Emannuel Macron për veton kundër dy shteteve të Ballkanit Perëndimor, informon foldrejt.com.
“Shpresoj që ky gabim (i Macron-it) do përmirësohet,” tha ai.
Më tutje ai ka kritikuar edhe për deklaratën e Macron-it se NATO është në koma; por ka shtuar se NATO ka nevojë për reforma të brendshme.
Në lidhje me ndikimin rus në Ballkan, Mitsotakis tha se “jam i shqetësuar, jam i shqetësuar dhe do vijoj të jem i shqetësuar. Për këtë mendoj se vendimet e marra nga Këshilli i Europës duhet të rishikohen në 2020.”
Mitsotakis në këtë konteskt bëri krahasimin e fillimit të negociatave mes Greqisë dhe Komunitetit Ekonomik Europian në 1979, me nxitjen e presidentit të atëhershëm francez se Greqia duhet të shpërblehet me integrimin që të tejkalojë traumën e juntës ushtarake.
Me siguri edhe Greqia në atë kohë nuk e ka merituar Europën, por ishte vendim i rëndësishëm gjeostrategjik./Foldrejt.com
