Akti i Lidhjes Demokratike të Kosovës (LDK), për mobilizim “për rrugën pa Kurtin”, ka nxitur shumë komente në rrjet, shkruan Fol Drejt.
Iniciativa është marr me qëllim “të kapërcimit të izolimit dhe krizës”, e për ç’gjë e shohin fajtor vetë Kryeministri Albin Kurti.
“Kur LDK-ja propozon rrugë, në rastin më të mirë ato rrugë janë aporike, e në rastin më fatal janë trajektore drejt Serbisë” – ka shkruar gazetari Labinot Balaj.
“qenka mbledhë ajka/pavllaku i shoqnisë ‘për rrugën pa kurtin’” – ka komentuar aktivisti Shkëlzen Gashi.
Sarkazma ka vërshuar edhe nga gazetarë të tjerë.
“LDK-ja sot i kishte mobilizuar gazetarët dhe analistët në “rrugën pa Kurtin” u solla rreth e rreth thash mos rastësisht e kam edhe unë emrin aty por s’e pash askund dhe me thanë të drejtën u ndjeva i nderuar.
I bana disa foto dhe një selfie dhe u ktheva rrugës sime…!
p.s. s’e kuptova çka ishte ai mobilizim ashtu ku shumë prej analistave dhe gazetarëve ishin shku me këpucë me kurdela t’mbathuna pa çorape” – ka shkruar gazetari Jeton Sopa.
Ndërsa aktivisti Nuhi Sadiku ka thënë se “Rruga e re, pa Kurtin, e propozuar nga LDK-ja, në fakt është rrugë e vjetër”, sipas Sadikut bëhet fjalë për “rikthim i mënyrës së vjetër të qeverisjes. Rikthim i koalicionit PDK-LDK në qeverisje, rikthim i benefiteve tek ata që, për nja dy vite, kanë mbetur pa to. Bashkëndiej me ta, i kuptoj, sepse mund të hamendësoj sa e vështirë është një gjë e tillë. Por, është sekret publik që rikthimi në rrugën e vjetër, edhe në qoftë e maskuar si rrugë e re apo si ‘pro-amerikanizëm’, nuk do të ndodhë.
Rruga e re duhet të jetë vendosja e vëmendjes së shoqërisë tek problemet bazike: ekonomia, arsimi, shëndetësia, drejtësia, e me radhë. ‘Anti-amerikanizmi’ nuk është problemi ynë, sepse shoqëria jonë kurrë s’ka qenë ‘anti-amerikane’, e as sot nuk është e tillë. ‘Anti-amerikanizmi’, siç po shihet, është problem i atyre që kanë vendosur ta përdorin si mjet për rikthim në pushtet. Por, në një shoqëri demokratike si kjo e jona, këto metoda janë të tejkaluara tashmë dhe nuk funksionojnë.”
Komentet për këtë rast, kanë vërshuar rrjetin. Për më shumë, shihni fotot:
