Për të parën herë, një modele muslimane ka pozuar për revistën e famshme Sports Illustrated’s, faqet e së cilës mbushen zakonisht me femra gjysmë të zhveshura.
Halima, modelja muslimane që shkatërron stereotipet, ishte titulli i artikullit. Aden nuk është e panjohur për shtypin amerikan: në 2016-tën bukuroshja mbushi faqet e para te gazetave kur u kthye në gruan e parë me hixhab që merrte pjesë në konkursin e bukurisë në Minesota.
21 vjeçarja ka zbukuruar edhe kopertinen e Vogue, si dhe pasarelat e Nju Jorkut.
“Çdo gjë është e mundur”, shkroi ajo në Instagram. “Fakti që jam sot tek Sports Illustrated, shkon përtej meje; ai i përcjell një mesazh komunitetit tim dhe mbarë botës se gratë e të gjitha origjinave, pamjes apo mënyrës sesi janë rritur mund të lartësohen për atë që janë”.
