Polonia dhe Italia kanë pikëpamje të ngjashme për situatën në Ukrainë dhe ata planifikojnë të vazhdojnë dërgesat e armëve në vend. Këtë e deklaruan kryeministrat e Polonisë dhe Italisë, Mateusz Morawiecki dhe Giorgia Meloni, në një konferencë të përbashkët shtypi në Varshavë, raporton Ukrinform, përcjell Fol Drejt.
Morawiecki theksoi se qeveria polake dhe ajo italiane kanë një pikëpamje identike për situatën në Ukrainë.
“Së bashku ne furnizojmë armë. Ne folëm për dërgesa të mëtejshme të armëve në Ukrainë, në mënyrë që paqja të vendoset sa më shpejt të jetë e mundur,” theksoi Morawiecki.
Kryeministri polak vuri në dukje se për të kapërcyer krizat globale energjetike dhe ekonomike dhe për të ulur inflacionin, është e nevojshme që Ukraina të mposht Rusinë me mbështetjen e vendeve të botës së lirë.
Nga ana tjetër, Meloni theksoi se Ukraina mund të vazhdojë të llogarisë në Italinë. Ajo tha gjithashtu se Italia që nga fillimi i pushtimit i kishte ofruar Ukrainës ndihma financiare, ushtarake dhe humanitare dhe u zotua të vazhdojë këtë mbështetje.
“Ne kemi qenë dhe do të jemi në anën e Ukrainës, dhe Polonia gjithashtu mund të llogarisë në mbështetjen tonë,” tha ajo, duke falënderuar Poloninë “për punën e jashtëzakonshme që vendi po bën për Ukrainën”.
Siç raportohet, përpara vizitës së saj në Ukrainë, Meloni pati një bisedë telefonike me presidentin amerikan Biden, i cili mbërriti në Poloni pas udhëtimit të tij në Kiev. Sipas Zyrës së Kryeministrit italian, Biden dhe Meloni diskutuan për koordinimin e përpjekjeve për të mbështetur Ukrainën në sektorin e sigurisë, atë ekonomik dhe humanitar.
Giorgia Meloni planifikon të vizitojë Kievin përpara 24 shkurtit, përvjetorit të parë të inzavionit të shkallës së plotë të Rusisë. /FolDrejt/
