Jose Mourinho thotë se po përballon fillimin më të keq të një sezoni në karrierën e tij si trajner pas humbjes së Romës nga Genoa, shkruan BBC, transmeton Fol Drejt.
Humbja 4-1 ishte e treta e Romës në gjashtë ndeshjet e ligës dhe e la klubin në vendin e 16-të në Serie A me vetëm pesë pikë.
Mourinho ka drejtuar më parë Porton, Chelsea, Real Madrid, Inter Milan, Manchester United dhe Tottenham, përpara se ta merrte drejtimin e Romës në vitin 2021.
Ai fitoi Ligën inauguruese të Konferencës së Evropës në vitin 2022, teksa udhëhoqi klubin italian drejt trofeut të parë në 14 vjet.
Roma përfundoi e gjashta në Serie A sezonin e kaluar dhe ishte nënkampione në Europa League, duke humbur me penallti kundër Sevillas në finale.
Teksa Mourinho thithi zhgënjimin e rezultatit të Genoas, 60-vjeçari tha: “Është gjithashtu fillimi im më i keq i një sezoni si trajner.”
“Megjithatë, nuk mendoj se Roma ishte paraqitur ndonjëherë në dy finale evropiane radhazi [para sezonit të kaluar]”.
Genoa kaloi në epërsi përmes Albert Gudmundsson përpara se Bryan Cristante të barazonte për Romën.
Megjithatë, Mateo Retegui, Morten Thorsby dhe Junior Messias shënuan gola në pjesën e dytë për Genoan për ta lënë Romën të qëndrojë mbi zonën e rënies në Serie A./FolDrejt/
