Mr. Besim Mehmeti, shef i kabintetit të Myftiut të Republikës së Kosovës, ka takuar ministrin për Çështje Fetare të Arabisë Saudite dr. Abdulatif al Shejh.
Këtë e ka bërë të ditur Bashkësia Islame e Kosovës përmes një postimi në profilin e saj zyrtar në rrjetin Social Facebook.
“Gjatë vizites së tij në Arabinë Saudite, shefi i kabinetit të Myftiut Tërnava, mr. Besim Mehmeti, u prit në takim nga ministri për Çështje Fetare të Arabisë Saudite, dr. Abdulatif al Shejh.
Ai përcolli përshëndetjet dhe urimet e Myftiut Tërnava, duke falënderuar kështu Mbretërinë e Arabise Saudite për përkrahjen e ofruar për Kosovën në periudha të ndryshme dhe në sfera të ndryshme. Ai gjithashtu e njohu nikoqirin me ecurinë e projekteve të përbashkëta të realizuara në Kosovë.
Nga ana e tij, ministri saudit, çmoi këtë vizitë duke vlerësuar tej mase angazhimet e Myftiut dhe të BIK-ut për thellim të bashkëpunimit, si dhe uroi të gjitha të mirat, prosperitet e zhvillim, për popullin e Kosovës”, thuhet në njoftim. /FolDrejt/
