Rina Mujku, ka thënë se vrasja e Marigona Osmanit mund të cilësohet si një nga vrasjet më makabre që nga paslufta.
Mujku, e cila ka përcjellur sot nga afër seancën e parë ndaj të akuzuarve Dardan Krivaqa dhe Arbër Sejdiu, tha se gjatë gjithë kohës është vërejtur tension jo i zakonshëm në gjykatë, për shkak të presionit dhe interesimit të madh të njerëzve.
“Jemi të njoftuar për numrin e madh të vrasjeve të individëve në përgjithësi, por fatkeqësisht edhe për numrin e madh të vrasjeve të grave në shtetin tonë, mirëpo gjatë gjithë seancave që i kemi përcjell deri sot, kemi parë që kjo e sotmja, mbase për shkak se edhe vrasja e Marigona Osmanit mund të cilësohet si një prej ekzekutimve më makrabre që nga paslufta, është vënë re gjatë gjithë kohës, pra në shqyrtimin e parë që është zhvilluar sot, për shkak se ka pasur shumë tensione në të gjitha palët, pra është vënë re që prej fillimit, që edhe stafi përcjellës, edhe stafi i sigurisë, madje edhe gjyqtari ka qenë në një tension, i cili në kushte normale nuk vërehet. Pra nuk ka qenë tension joprofesional, por edhe ka qenë për shkak të presionit dhe interesim të madh të njerëzve për shkak të ngjarjes”, tha Mujku në Info Magazine.
“Bankat ku janë të planifikuara të qëndrojnë familjarët dhe të afërmit e palës së akuzuar, kanë qenë të boshatisura, ngase dy të akuzuarit janë sjellë nën përcjellje të rreptë të policisë, dhe nuk kanë pasur asnjë të afërm”.
Gazetarja Mujku tha se i akuzuari Dardan Krivaqa la të kuptojë se në të ardhmen do të pranojë fajësinë, për shkak të gjendjes emocionale, sepse gjatë gjithë kohës ka qenë duke qarë./KlanKosova/
