Në seancën e djeshme, NISMA kërkoi dorëheqjen e Ministrit të Financave për një deklaratë të tij të dikurshme: “më lirë do të na kushtonin mecenarët se UÇK-ja”.
Lidhur me këtë çështje ka reaguar Murati duke theksuar se shkrimet e tij para disa viteve kanë qenë nga “mllefi me ata që asokohe me fryrjen e listave për përfitime financiare e politike po shtrembëronin historinë e luftës dhe të vërtetën tonë kolektive”, transmeton Fol Drejt.
Më poshtë mund të shihni reagimin e tij të plotë:
I përulem sakrificës së secilit dëshmor e kontributit të secilit ushtar të luftës së Ushtrisë Çlirimtare të Kosovës.
Ky është qëndrimi im.
Shkrimet e para disa viteve kanë qenë nga mllefi me ata që asokohe me fryrjen e listave për përfitime financiare e politike po shtrembëronin historinë e luftës dhe të vërtetën tonë kolektive. Ju siguroj se ato shkrime nuk kanë pasur synim ofendimin ndaj ushtarëve dhe dëshmorëve.
E pranoj që gjuha e përdorur atëherë ka qenë e gabuar, prandaj ju kërkoj ndjesë të gjithë luftëtarëve të UÇK-së dhe familjeve të tyre./FolDrejt/
